الا ياجملة حروف المعاني
خذيت من الهموم اللي كفاني
شربت المرّ حتى صرت أحسه
تشبّع بالخفوق.. وبالمحاني
تنفست الحزن من صغر سني
ولاجا لي على كيفي زماني
كتبت الشعر.. وادميت الدفاتر
وصارت من كثر حزني تعاني
يمر اليوم وتفوت الدقايق
وأشوف الموت بعيون الثواني
ولكن من بعد ليلة لقانا
عرفت ان الزمن له شكل ثاني
وعرفت ان الفضا ماعاد يكفي
مساحة فرحتي ضحك.. وأغاني
(تقول: أني ((أحبك)) ياعيوني
وتراني في وسط قلبك مكاني)
وأقول: انتي ولا غيرك حبيبه
ومهما الوقت بي جار وكواني
الا ياغايتي من بدّ غيرك
فديتك بالقصيد وبالمعاني
فديتك بالخفوق اللي تعوّد
حنانك بالوصال وبالاماني
لك الله لو أغيب ولو أسافر
هواك لمركب اشواقي مواني
أشوفك حلم وأتنفس وجودك
وأضمك كل ماحزني لفاني
وأشوفك صورةٍ بين الزوايا
تعيش بقربها كل المباني
وأشوفك بيني وبيني لحالك
ولاأحدٍ غيرك أعطيته كياني
انااا مهما ابتعدت ابقى أشوفك
وفي صوتك وهمساتك أراني
حبيبة خافقي.. يانور عيني
الايا فرحة ايامي تراني:
نقشت اسمك على صدر المحبه
وصار أسمك سبب ثورة حناني
الا ياما حلى ليلة لقانا
عساني ما انحرم منها عساني
دعا قلبك بعض حكيٍ حكيته
وأنا لك حبي الخالد دعاني
((أحبك)) قلتها (من كل قلبي)
وأبي يسمع بها قاصي وداني
ولو ماقلت لك في يوم ((أحبك))..
عرفت ان الزمن له شكل ثاني

شكرا لمروركي الكريم